مِٹھیاں مِٹھیاں گلاّں دے نال
دل دی کوڑھ نہ ُمکدی اے
سوچ سمجھ کے بولیں بندیا
گَل واپس فیر نہ مُڑدی اے!!
*****
لگی نالوں ٹُٹیِ چنگی۔۔۔۔۔۔💔
او بے قدرا دی یاری۔۔۔۔۔
چَنگا ہویا لڑ نیڑوں چُھٹیا۔۔۔۔۔
ہالی عمر نٸی گزری ساری۔۔۔۔۔۔۔
*****
جد دا پُتر بار گیا اے
خالی ہو گھربار گیا اے
چُٹھے ہاسے ہسدی آپئی
ماں لوکاں نوں دسدی آ پئی
ڈالر پونڈ کماندا اے سوہنا
اوتھے دفتر جاندا اے سوہنا
اُچی کوٹھی پا بیٹھی آں
سوہنا گھر بنا بیٹھی آں
کُلی چھڈ کے کوٹھی پائی اے
کِیتی سارے اوس کمائی اے
پیو دا پار اُٹھالیا سوہنے
اِناں کُجھ کمالیا سوہنے
جد وی شہر میں جانی آں
لکھاں دے وچ لانی آں
ہن کاہدا پردیس نی اَڑیئے
بار وی اپنا ای دیس نی اَڑیئے
*****
میں وانگ شُدایٔیاں بھیس وٹا ،
دَر خانہ کعبہ پونہچ گیا،
لوُں لوُں وچ لوُساں اُٹھیاں سن،
لوُں لوُں وی اندروں بول پیا،
لوکاں نے بُڑ بُڑ کیتی اج،
اَج خانہ کعبہ چور گیا،
لو آگیا جہ پنڈ گُناہِیں
اج کعبہ وی اے بول پیا،
میں ویکھ کہ اپنا حشرنشر،
اج کھڑاکھلوتا ڈول گیا،
مینوں طعنے دتے یاراں نے،
کی جِندڑی دا اے مول پیا،
میں لکھ ھزار جتن کیتے،
کویٔ بھریا گھڑا روڑ گیا،
میں رَبّ بلایاں آیاں واں،
کیوں عاماں نوں اج ھول پیا،
جگ لکھ ھزار دوے طعنے،
اج خاصاں وِچ میں بول پیا.
*****
پیڑاں وِکنے آئیاں! سجن جی
پیڑاں وِکنے آئیاں! وے لوکا
کِسے نہ ھس کَرائی بَوہنی
کِسے نہ جھولی پائِیاں
عُمروں لَمّے آس دے پَینڈے
اسّی وِچّوں دی ہوئے
پَبّاں ہیٹھاں چِیکن ساہواں
سُفنے وی اَدھ موئے
جُسے ہَتھ پڑیراں وجیّاں
کِسّے نہ مل ملائیاں
نِج سمّے نے ہر ماتر دی
بُلڑی اکھڑی سیتی
اوہدی پیر ونداون دی تھاں
ھور بتھیری کیتی
اوہ وی مَگروں لا کے تر گئے
جِنہاں دتیّاں سائیاں
ساوِیّاں رُتاں ورگے سُفنے
چیکاں دے وچ گُنہے
شہر نیں چیکن پکیّاں تھاواں
پِنڈاں دے پِنڈ سُنّے
لاشاں تے دفناندیاں سُنیا
روحاں کِس دفنائیاں
****
الف اللّٰہ دی رمز انوکھی، عقلاں نال نہ مل دا
عقلاں والا مرد وچارا نا محرم منزل دا
اللّٰہ نیڑے ہوندا اے جد سجدہ ہوے دل دا
شـــاہ یار اللّٰہ نوں لبنا کام نہیں عاقل دا
*****
مینُوں اپنی راہ وِچ سُلطاناں،
بس نین وچھان لئی رکھ لے
کَمّی رکھ دے لوگ تعارف لئی،
مینُوں نسب ڈسان لئی رکھ لے
ہر سفر دے وِچ اے لجپالا،
مینُوں نال لِیجان لئی رکھ لے
بھانویں "حاکم" ہاں پر "حاکم" نوں،
نعلین اُٹھان لئی رکھ لے....!
*****
کوئی آکھے جا مہتاب نوں
کہیہ کیتو فردؔ بے تاب نوں
تیری تاب بغیر نہ تاب ہے
دینہ سکھ نہ راتیں خواب ہے
*****
ولی اللہ دے مردے ناھیں کردے پردہ پوشی
کیہ ھویا جے دنیا اتوں ٹر گے نال خموشی
*****
"بچھڑ گیا میرے دل دا جانی
تے میں ککھاں وانگوں رل گئی💗
پھولاں نالوں نازک جھندڑی
میری وچ کنڈیاں دے رل گئی💗
غم سجناں دے مار مکایا
تے میں اتھرو بن کے ڈل گئی💗
اک ماہیا! تیری یاد نہ پلدی
باقی ہر شے جگ دی پل گئی💗
*****
مرشد کردا نال نظر دے، دل دی خوب صفائی
قلبی شیشہ چمکاں مارے، میل نہ رہندی کائی
*****
